നിനക്കായി എൻ പ്രണയം...

പ്രണയം മനസ്സില്‍ സൂക്ഷിക്കുന്ന എല്ലാവര്ക്കും എൻ്റെ പ്രണയദിന ആശംസകള്‍

നിനക്കായി എൻ പ്രണയം

മഴ പെയ്തൊഴിയുന്ന പുലരികളില്‍

മാനത്ത്‌ തെളിയുന്ന മാരിവില്ലുപോലെ..

പുല്‍നാമ്പുകളില്‍ ഊറിയൂറയുന്ന -

പുലർമഞ്ഞു തുള്ളിപോലെ..

പനിനീര്‍ ദളങ്ങളില്‍ അടരാൻ -

വെമ്പുന്ന മഴതുള്ളിപോലെ.....

ഏകാന്തതയില്‍ അകലെ  -

അലിയുന്ന പാട്ടിന്‍ ശകലം പോലെ....

എവിടെനിന്നോ എത്തി തഴുകി ഒഴുകി-

എങ്ങോ മറയുന്ന കാറ്റിൻ കുളിരുപോലെ...

നിനക്ക് മാത്രമായോരെന്‍ പ്രണയം

പ്രിയേ .. ഞാന്‍ നിന്നെ അറിയിക്കട്ടെ!

ആയിരം വസന്തങ്ങള്‍ ഒന്നായ്‌ -

പൂത്തുലഞ്ഞപോലെ ..

ഏഴ് സ്വരങ്ങളും ഒരു പാട്ടില്‍ -

ഒന്നുചേർന്നലിഞ്ഞ പോലെ..

നിലാവോളിച്ച രാവില്‍ താരകൾ -

ഒന്നായി വിണ്ണിൽ തെളിഞ്ഞപോലെ ...

പല ജന്മങ്ങളായ് ഞാന്‍ കരുതിയൊരെൻ  -

പ്രെണയമത്രെയും നിനക്കായ്‌ ഏകുന്നു...

ഒരു മഞ്ഞുതുള്ളിയില്‍

ഒരു മഴനീർതുള്ളിയിൽ 

ചിന്നിച്ചിതറും നിര്‍മ്മല നക്ഷത്രം പോലെ

തിളക്കമാര്‍ന്ന നിന്‍ കണ്ണുകള്‍

എന്‍ ആത്മാവിനെ നിന്നിലേക്കടിപ്പിച്ചു..

ഒരു വർഷമായി എന്നിൽ-

പെയ്യ്തൊഴിയുവാൻ നിന്നെയും കാത്ത് 

സ്നേഹത്തിന്‍ മാലാഖമാര്‍ -

കാവല്‍ നില്‍കുന്ന ഈ രാവില്‍

പാല്‍ നിലാവ് പരന്നൊഴുകുന്ന താഴ്വരകളില്‍ -

കോടമഞ്ഞില്‍ കൈകൾ കോര്‍ത്ത്‌ നടക്കാം 

അവിടെ വെച്ച് എന്റെ പ്രണയം -

ഞാന്‍ നിനക്ക് നല്കും

എന്‍ ഹൃദയ രക്തത്താല്‍ ചുവന്നൊരാ പൂക്കൾ 

ഒക്കെയും നിനക്കായ്‌ ഏകും ഞാന്‍.

deep

ഓണ്‍ലെന്‍ പ്രണയം

വഴിതെറ്റി എന്റെ ഇന്‍ബോക്സില്‍-
വന്നണഞ്ഞ സ്നേഹമാണു നീ..


പിന്നെ ഒരു പുഞ്ചിരിയുമായി-
സ്ക്രീനില്‍ പോപ് അപ് ചെയുന്ന-
ചാറ്റിങ് മെസ്സേജുകളായി.


എന്റെ ഇന്‍ബോക്സില്‍ നീ അയച്ച മെയിലുകളിലെ-
വര്‍ണ്ണങ്ങള്‍ കോണ്ട് ഞാന്‍ സ്ക്രീനില്‍ മഴവില്ലുതീര്‍ത്തു


ചാറ്റിങ് ബോക്സില്‍ വന്നു തെളിയുന്ന-
നിന്റെ ഗുഡ് മോര്‍ണിങ് മെസ്സേഗുകള്‍-
എന്റെ ദിവസങ്ങളീല്‍ ഊര്‍ജ്ജം നിറയ്ക്കുന്നു


പിന്നെ ദിവസം മുഴുവനും കൂടെയിരുന്ന്-
എന്റെ ചിന്തകള്‍ക്ക് നി ഉണര്‍വേകുന്നു


ഒരിക്കലും കണ്ടിട്ടില്ലാത്ത സുന്ദരി-
നിന്‍ വാക്കുകളില്‍ കൂടീ അറിയുന്നു നിന്നെ ഞാന്‍


എന്റെ മൌസ് പോയിന്ററില്‍ക്കൂടി-
നിന്‍ ശ്വാസോശ്ചാസത്തിന്‍ താളമറിയിന്നു


ഓരോ രാത്രികളിലും എന്നെ തനിച്ചാക്കി-
പിരിയുമ്പോള്‍ നീയേകുന്ന ഗുഡ് നെറ്റ് വിഷസുകള്‍
എന്റെ സ്വപ്നങ്ങള്‍ക്ക് നിറങ്ങളാകുന്നു


ഒരു ബ്രോഡ് ബാന്റ് കണക്ഷന്റെ വേഗതയില്‍-
നീയെന്‍ സിരകളില്‍ നിറയുന്നു


എന്റെ ലാപ് ടോപ്പിന്റെ വാള്‍പേപ്പറുകളീല്‍-
ഓരോന്നിലും നിന്‍ മുഖം ഞാന്‍ കാണുന്നു


നീ ടെപ്പ് ചെയിത ഓരോ വാചകങ്ങളും-
കവിതകളായി ഞാന്‍ സൂക്ഷിക്കുന്നു
നീ അരികിലെത്തുമ്പോള്‍ നിനക്കായി പാടാന്‍..

ഇതു പ്രണയമോ...?

എന്നോ ഒരിക്കല്‍ എന്‍ ഇടനെഞ്ചില്‍-
കോറിയിട്ടോരാമുഖം
ജാലകചില്ലിന്‍ പിന്നിലൊളിക്കുന്നുവോ...


വളയുടെ കിലുക്കവും കൊലുസിന്‍ കൊഞ്ചലും
അലിഞ്ഞില്ലാതാകുന്നുവോ....


പെയിതു വീണ മഴനൂലില്‍-
അവലുടെ മുടിയിലെ കാച്ചെണ്ണ മണം


പെയ്തു വീഴുന്ന പാല്‍ നിലാവില്‍-
അവളുടെ മന്തസ്മിതത്തിന്‍ പ്രകാശം


പീലിനീര്‍ത്തിയാടുന്ന മയില്‍-
കൊഴിയുന്ന പീലികള്‍ അറിയാറുണ്ടോ..


വീശിയടിക്കുന്ന കാറ്റില്‍ -
കൊഴിയുന്ന പൂവുകള്‍ കരയാറുണ്ടോ...


വിട പറയുന്ന സന്ധ്യകളീല് മുഖം തിരിക്കുന്ന-
സൂര്യകാന്തി പൂവുകള്‍ക്ക് പരിഭവമോ...


ചന്ദ്രികയെ പ്രണയിച്ച ആമ്പല്‍ പൂവിനു-
പ്രഭാതങ്ങളെ വെറുക്കാനാകുമോ.....


ഒഴുക്കില്‍ വീണ ഇലപോലെ-
തീരം തേടി ഒഴുകുന്നു ഞാന്‍


ഇതു പ്രണയമോ.......!!
എന്റെ മനസ്സ് മേഘങ്ങളില്‍ കൂടുകൂട്ടുന്നു

അനുരാഗപ്പൂക്കള്

ഉറങ്ങാതെ ഉറങ്ങുന്ന രാത്രികളിലും

ഗാഡ്ഡമായി ഉറങ്ങുന്ന പുലര്‍വേളയിലും

എന്‍ കാതുകളില്‍ അലയടിച്ചിരുന്നു –

മണിനൂപുരനാദം

കാതുകളില്‍ മൂളുന്ന താരാട്ട് പാട്ടും

മുടിയിഴകളെ തഴുകുന്ന വളയിട്ട കൈകളും

എന്റെ രാത്രികളെ അനശ്വരമാക്കുന്നു

അവ അകന്നു പോകാതിരിക്കാന്‍

സൂര്യന്‍ ഉണരാതിരുന്നെങ്കില്‍ എന്നു കൊതിച്ചുപോയി

പുലര്‍ വേളയില്‍ മഞ്ഞിന്‍ കണങ്ങള്‍

എന്നെ നോക്കി ചിരിതൂകിക്കൊണ്ടിരുന്നു

കുസ്രിതി നിറഞ്ഞൊരാമുഖം ഓരോ തുള്ളിയിലും തേടുന്നു ഞാന്‍

രാത്രിയില്‍ എപ്പോഴോ പെയ്ത മഴയുടെ തുള്ളികള്‍-

ഇലകളില്‍ താളം തീര്‍ത്തുകൊണ്ടിരുന്നു

അതോ അതവളുടെ ചിരിയോ...!!!

മുടിയില്‍ തൂകിയ കാച്ചെണ്ണമണം-

ഇളം കാറ്റിനാല്‍ എന്നെ തഴുകിക്കൊണ്ടിരുന്നു

അഴിച്ചിട്ട മുടിയും കിലുങ്ങുന്ന ചിലങ്കയുമായി

എന്റെ ചുറ്റിനും ഒളിച്ചുകളീക്കുന്നു അവള്‍

ഞാന്‍ നട്ടുനനച്ചൊരീ അരിമുല്ലപ്പൂവുകള്‍

അവളുടെ മുടിയില്‍ ഒളിക്കാന്‍ വെമ്പുന്നതു പോലെ!!

കാറ്റിനാല്‍ പൊഴിഞ്ഞ പൂവുകള്‍ എടുത്തു മണത്തപ്പോള്‍

അവളുടെ ഗെന്ധം ഞാനറിഞ്ഞു

അവളുടെ ചൂടാര്‍ന്ന കൈകള്‍ എന്നെ പുണരുന്നതു ഞാനറിഞ്ഞു

അവളെന്റെ നെറ്റിയില്‍ നല്‍കിയ-

ചുംബനത്തിന്‍ സുഖം ഞാനറിയുന്നു

എങ്കിലും അവളാരെന്നറിയാതെ-

എന്റെ ഹ്രിദയം വിങ്ങിവിതുമ്പിടുന്നു..